Cam un
Cam 1
Gwiriadau a chanolwyr
Mae cam un yn cychwyn gyda gwiriadau statudol a geirdaon gyda’r awdurdodau a phobl rydych yn eu hadnabod. Mae hyn yn cymryd 2 fis.
Bydd eich asiantaeth yn cysylltu â’r Gwasanaeth Datgelu a Gwahardd, yr heddlu, eich awdurdod lleol, a’ch cyflogwyr (lle bo’n briodol). Bydd gofyn i chi roi manylion o leiaf dri pherson sy’n gallu rhoi sylw ar eich addasrwydd i fabwysiadu, a gofynnir i chi hefyd gael asesiad meddygol a gaiff ei rannu â Chynghorydd Meddygol yr asiantaeth.
Cam 2
Hyfforddiant paratoi cyn mabwysiadu
Bydd eich asiantaeth yn gofyn i chi gwblhau hyfforddiant i’ch paratoi ar gyfer yr heriau a’r adegau gwerth chweil sydd ynglwm wrth fabwysiadu plentyn sydd wedi bod mewn gofal. Os ydych yn gwpl, bydd disgwyl i’r ddau ohonoch fynychu pob un o’r sesiynau a gynhelir gan yr asiantaeth. Mae’r hyfforddiant hefyd yn gyfle i gwrdd a siarad â darpar fabwysiadwyr eraill a phobl sydd wedi mabwysiadu.
Cam 3
Symud ymlaen i gam 2
Unwaith y bydd yr asiantaeth wedi casglu’r holl wybodaeth angenrheidiol a thrafod eich cais gyda chi, bydd yn penderfynu ar eich dilyniant i Gam 2. Bydd eich gweithiwr cymdeithasol yn rhoi gwybod i chi beth yw penderfyniad yr asiantaeth ar lafar ac yn ysgrifenedig.
