Cofrestr Mabwysiadu Cymru

Cofrestr Mabwysiadu Cymru yw’r offeryn statudol cenedlaethol ar gyfer cysylltu a chanfod teuluoedd sy’n helpu i ddod o hyd i’r pariad gorau i blant sy’n aros i gael eu mabwysiadu.

Mae’n gronfa ddata ddiogel, ddwyieithog o broffiliau mabwysiadwyr a phlant a reolir gennym ni ar ran Llywodraeth Cymru.

Mae’n ofyniad cyfreithiol* i wasanaethau mabwysiadu rhanbarthol ac asiantaethau mabwysiadu gwirfoddol ychwanegu mabwysiadwyr at y gofrestr o fewn mis iddynt gael eu cymeradwyo, ac ychwanegu plant at y gofrestr o fewn mis i’r gorchymyn mabwysiadu. *Cyfarwyddydau Deddf Mabwysiadu a Phlant 2002, Cyddrefniadau Mabwysiadu, Cymru, Diwygio, 2019.
Mae ein tîm profiadol ac ymroddedig yn gweithio’n ddyddiol gyda gweithwyr cymdeithasol ac ymarferwyr ledled Cymru i ddefnyddio’r gofrestr er mwyn adnabod pariad posibl rhwng plant a darpar fabwysiadwyr.

Mae gan fabwysiadwyr cymeradwy hefyd fynediad i’r gronfa ddata i greu eu proffil eu hunain ac i ddarganfod mwy am y plant sy’n aros er mwyn eu helpu i ddod o hyd i deulu.

Defnyddir y gofrestr ochr yn ochr ag arferion dod o hyd i deulu eraill megis diwrnodau o weithgarwch mabwysiadu, diwrnodau cyfnewid a digwyddiadau proffilio ar-lein.

Rydym yn gweithio mor galed ag y gallwn i baru’n lleol, ond yn yr achosion prin yna ble na ellir gwneud hynny, rydym yn defnyddio’r Protocol Cyfeirio Rhwng Cofrestrau Lloegr, Gogledd Iwerddon a’r Alban i gael mynediad i gofrestrau eraill y DU a gwneud y mwyaf o gyfleoedd i ddod o hyd i’r teulu iawn ar gyfer plentyn.

Mae Cofrestr Mabwysiadu Cymru yn ein helpu i adnabod tueddiadau gydag amseroedd aros, gwybodaeth am anghenion plant a pham efallai bod rhai plant yn aros yn hirach. Hefyd, sut mae’r wybodaeth hon yn bwydo i mewn i’r broses recriwtio e.e. sicrhau bod y mabwysiadwyr cywir yn cael eu recriwtio i ddiwallu anghenion y plant hynny sy’n aros hiraf ac mae’n ein helpu i wella ein gwasanaeth.