Chwalu'r Rhwystrau i Breseneoldeb yn yr Ysgol

Mae Adoption UK newydd gyhoeddi adroddiad pwerus am ddarlun pryderus o bresenoldeb ysgol ar gyfer plant â phrofiad gofal fel y rhai sy'n cael eu mabwysiadu a'r rhai sy’n derbyn gofal gan berthynas. Mae'r adroddiad yn uniaith Saesneg ac yn defnyddio data Saesneg oherwydd mai Lloegr yw'r unig wlad yn y DU i'w gasglu ar hyn o bryd.  Fodd bynnag, mae'r adroddiad yn cynnwys gwybodaeth arall o Gymru ac mae'n annhebygol y bydd y materion yn dra gwahanol i ddysgwyr mabwysiedig Cymru. 

Mae'r adroddiad yn nodi’r canlynol: 

"I lawer o blant a arferai dderbyn gofal, mae'r ysgol yn lle anodd iawn i fod. Mae'r rhan fwyaf o blant sydd wedi'u mabwysiadu ac sy'n derbyn gofal gan berthynas wedi profi trawma sylweddol a phrofiadau cynnar andwyol, ac mae pob un ohonynt wedi profi tarfu a cholled o adael eu rhieni biolegol a symud i deulu newydd.'  

Mae'r canfyddiadau allweddol yn yr adroddiad yn archwilio'r ffordd y gall adrodd am absenoldeb guddio materion sy'n ymwneud ag iechyd meddwl mewn ysgolion a gall codau absenoldeb ei gwneud hi'n anodd cael darlun manwl o'r holl ffactorau dan sylw. Mae hefyd yn awgrymu y gellir cosbi plant â phroblemau iechyd cronig â phrofiad o fod mewn gofal, anabledd a phroblemau iechyd cronig am absenoldeb na ellir ei osgoi ac mae'n amlygu'r ffaith y gall fod rhwystrau eraill hyd yn oed pan fydd y plant hyn yn yr ysgol, sy'n ei gwneud hi'n anodd iddynt gael mynediad llawn at bob agwedd ar ddysgu a bywyd ysgol.

Mae’r adroddiad yn dod i’r casgliad canlynol:  

'Nid yw plant sydd wedi'u mabwysiadu a phlant sy'n derbyn gofal gan berthynas yn cael eu deall yn dda o fewn y system addysg. Maent yn fwy tebygol na'u cyfoedion o fod yn absennol oherwydd iechyd meddwl gwael, anghenion dysgu heb eu diwallu ac apwyntiadau meddygol hanfodol. Dim ond pan fyddwn yn gwella dealltwriaeth, hyfforddiant a chefnogaeth y byddwn yn gwella presenoldeb. Yn fwy na hynny, mae'r strategaethau a'r atebion a fydd yn cefnogi presenoldeb gwell i blant mabwysiedig a phlant sy’n derbyn gofal gan berthynas yn debygol o fod â manteision i lawer o bobl eraill ag anghenion tebyg.'